مُعاينة البيانات الشخصية
من طرف 
سلملى ع الدموع
تحت جبل الدويقة
حفرت وسط الصخور
انهار دم غريقة
شلال يجرى ف عروقها
تحت ترابه البريئة
شاورلى ع اللى سابه
ينهار واحده ف دقيقة
شاورلى ع الخداع
شارب دم الحقيقة
غمض عينك ونام
وانسى الدمعة الرقيقة
****************
قطر الندى دمعتها جبال وقصور
تنهد فوق الظالم تصبح خراب وقبور
الولد اللى انكفى
تحت التراب مقهور
يادمع الصبايا يامفرق عالسكك
لا ايدين عارفه تطولك
ولا منديل يمسكك
ف مكان جبل الدويقة
مكسور فيك خطوتك
******************
الصبح غاب لانه ضل الطريق
شايف فوق المدينة دخان – لهيب – حريق
من فوق جبل الدويقة
مصر الغريقة
حريقة
شبت ف قلب الليل
خطفت قلوب الصبايا
وف دقيقة
حرقت خضارنا الزين
دمعه قمر ف العتمة
قاتمة وحزينة
وقد جبل الويل
مسكين ياطفل الدويقة
ياطير مخنوق ف بركة طين
ياجبل احزان والام ..... انهار انين
زريت رماد الرزيلة ف عين جبال الليل
ونسيت تزر الرماد
ف عين بنى ادمين
مسمار ف نعشك رماك
جيفة ف تل البين
