انت الفرح - الى الدكتور توفيق حلمى

انت الفرح للدكتور توفيق حلمى

استاد جراحة المخ والاعصاب

نهر المحبة يفيض

بمحبة تسكن ف الوريد

قلبى النهاردة بقى له عيد

شفت النهاردة الفجر ضاحك من جديد

يوم مانت عودت الالام

تتوارى م الباب البعيد

***

فرط المشاعر كالبلح فوق السوباط

طايب – تجيب الايد

والقلب ينده تانى هات

يتهز يرقص ع الشطوط ......

قلى الصغير م الفرح

مقدرش يقطف الكلام

من فوق سباطك ياسكوت

فنشق نهر العشق فيه بساتين نغم

انهار محبه ونهر فايض بالعبير

واقف وماسك سوسنة

مرويه من قلبى انا

وعليها فوق ورق الحنين

مكتوب برقة كلمتين

كانو بمشاعر مكتوبين

مبروك عليك

مبروك لنا

مبروك علينا كلنا

*****

بالعلم عابر الف سور

وانت الجسور

فارس بسيفه فاتح حصون

جوة عقول المعرفه

تبدر ف نور

تداوى جرح المجروحين

وانت الامين

لمسة ايديك فوق الالم

بتحوله للمسه حنين

جوه قلوب التعابنين

والشاقينين

والمحتاجين ينسو الانين

مشوار طويل

على صدر صفحات السنين

سطرين محبة وسطر نور

ولاعمره غلبك يوم غرور

مكتوب معاك

تنسى الجراح طعم الالم

وتكون لها طلعه صباحات الامل

***

ياحلم حلمى ع الجراح

طبطب فقام الدمع راح

والجرح فوق غصنه التئم

دبلان خجل

اودام ايديك الطيبين

يوم مانت جبت الفجر لما .....

كان غريب

مانت الطبيب

وانت اللى رجعت الالم ضحكة وليد

وانت اللى رديت للامانى

تانى الفرح

دانت الفرح

ليلة فرح